TUBERCULOSIS PREVENTIVE TREATMENT PLANNING GIHINGUSGAN SA PHO
NAGPAHIGAYON og Tuberculosis Preventive Treatment Planning ang Provincial Health Office. Kini sa paghingusog nga mabansay ang tanang Municipal Health Officers ug Public Health Nurses gikan sa Rural Health Units (RHUs) ning lalawigan. Suporta kini sa kagamhanang probinsyal nga ubanan ang Department of Health sa full implementation sa Integrated delivery of TB services kon iDOTS nga programa.
Mitambong sa mentoring activity ang nagkadaiyang healthcare professionals sulod sa rehiyon 10. Samtang nahimong mentors ang kadagkuan sa Northern Mindanao Medical Center nga usa ka satellite treatment center sa TB nga anaa nahimutang dinhi sa CDO City.
Matud ni PHO National Tuberculosis Control Program Coordinator Ms. Malou C. Leones mamahimong paagi kini aron ang mga RHU makahatag ug dinalian ug tukmang tubag sa mga TB patients. Katimbayayong sa PHO ang Philippine Business for Social Progress (PBSP) ug DOH- 10.
Kini nga tinguha kalabot sa pagbaton og TB-free community, nakalatid sa letrang “U” kon Unified Efforts for Health and Social Services Delivery ubos sa PAGLAUM devt agenda ni Gov. Peter “Sr. Pedro” Unabia.
By: Rejiann Ammor R. Maygay/PIO
Photos courtesy: Provincial Health Office- MisOr
