loader image

HON. FABRIA, MAPASALAMATON SA CDC NGA GITUNOL NI GPMU

DAKO ang pasalamat ni Brgy. Aromahon kapitana Edna Fabria sa kapin tres milyones (3,491,606.64) nga Child Development Center sa ilang barangay. Ang nahisgutang proyekto gitunol sa Kagamhanang Probinsyal pinaagi sa Provincial Early Childhood Care and Development Office.
Gilaumang taposon ang maong proyekto sulod sa usa ka gatos ka adlaw aron magamit sa mga estudyante.
Ang CDC isa kini sa prioridad ni Laguindingan Mayor Hon. Diosdado Obsioma para sa mga kabataan aron adunay silay luwas ug saktong pasilidad sa pagkat-on pagtuon.
Ang maong kalihokan gitambongan ni Gov. Peter โ€˜Sr. Pedroโ€™ M. Unabia, Chief of Staff Ms. Sheena Faelnar, Laguindingan Mayor Obsioma, Brgy. Captain Fabria ug ubang mga local nga opisyales sa Brgy. Aromahon.
Kalabot kini sa PAGLAUM Agenda sa gobernador sa letrang โ€˜Mโ€™ kon Mobilization of Resources Thru Equitable Sharing.
By: Asthea Torrecampo/PIO
Hulagway kuha ni: Mark Anthony Pareja/PIO