LOODLETTING ACTIVITY SA TULO KA BARANGAY NAGMALAMPOSON
NAGMALAMPUSON ang gipahigayong Bloodletting Activity sa buhatan sa Misamis Oriental Care System (MisORCareS) sa Gimangpang , Initao ning lalawigan. Ang nahisgutang kalihokan gi-ubanan sa lokal nga kagamhanan sa Initao, Red Cross, Provincial Hospital, Desaster Risk Reduction Management Office, Alpha Kappa Rho, Tau Gamma Phi, Megalith Nu Sigma ug barangay council.
Mukabat kwarentay dos (42) ka mga blood donors ang mipasar sa pre-check up ug malampusong nagdonar ug dugo.
Ang maong kalihokan adunay tema nga “Dugo mo, Paglaum Ko”, kini gihingusgan ni Gov. Peter ‘Sr. Pedro’ Unabia aron sa paghatag serbisyo sa panglawas sa tanang katawhan.
Kahibaloan nga ang Bloodletting Activity sa MisOrCareS gipahigayon sa tulo ka barangay didto sa Brgy. Pangayawan sa Gitagum, Brgy. San Pedro ug Brgy. Gimangpang sa Initao.
Subay kini sa PAGLAUM Agenda sa gobernador sa letrang ‘U’ kon Unified Efforts for Health and Social Services Delivery.
By: Asthea Torrecampo/PIO
Photo courtesy: MisorCareS Initao
