PAGPANGANDAM BATOK BAHA GIHINGUSGAN NI GOV. UNABIA, JICA UG DPWH
PAGPANGANDAM batok baha ang nahimong pokus sa tigom nila ni Governor Peter “Sr. Pedro” Unabia, Japan International Cooperation Agency (JICA) ug Department of Public Works and Highways (DPWH). Kini aron hingusgan ang pagbaton og mitigation plan ug disaster preparedness system.
Laraw sa maong panagtagbo ang paghatag update kon ex-post evaluation mission bahin sa Flood-Risk Management sa Sub-basin Project nga naglambigit sa Cagayan de Oro, Tagoloan ug Imus River. Gikabutyag nga dako kaayong tabang kini alang sa katawhan sa probinsya sa Misamis Oriental ug Cagayan de Oro City aron magpabiling luwas panahon sa kalamidad.
Hisubay ang maong plano sa PAGLAUM development agenda ni Governor Unabia ubos sa letrang P kon participatory governance.
By: Rejiann Ammor R. Maygay/PIO
Photo courtesy: Peter “Sr. Pedro” Unabia fb page
