POPULATION & DEVELOPMENT AWARDS NAKAB-OT SA KAGAMHANANG PROBINSYAL

GIILA ang Misamis Oriental isip Population and Development Awardee. Ang pasidungog gidawat sa Provincial Population Office pinangulohan ni PPO Head Andrew Gapuz.

Dunay upat ka titulo ang nauli sa kagamhanang probinsyal human gipasidunggan sa Commission on Population and Development (CPD) Region 10. Gilangkoban kini sa tulo ka plaque of recognitions alang ngadto sa lalawigan ug usa niini ngadto kay PPO Head Gapuz.

Kini hisubay sa 2023 Kaunlarang Pantao kon Rafael M. Salas PopDev awards. Tumong niining nga pasidungog ang pag-ila sa mga LGUs nga dunay dakong kontribusyon sa programa sa populasyon.

Gitunol ni CPD-10 Regional Director Neil Aldrin G. Omega ang nasangpit nga mga ganti uban sila Population Commission-10 Assistant RD Richmond Charles Gajudo ug CDO City Congressman Rufus Rodriguez lakip mga kadagkuan sa naglambigit nga mga ahensya.

Hisubay kini nga pag-ila sa PAGLAUM devt agenda ni Governor Peter ‘Sr. Pedro’ Unabia ubos sa letrang U kon unified efforts for health and social services delivery.

By: Rejiann Ammor R. Maygay/PIO