MAYOR ACAIN SUPORTADO ANG WOMEN’S PROGRAM NI GPMU
GIPAHAYAG ni Initao Mayor Hon. Mercy Grace “Gagay” Acain ang iyang hugot nga suporta sa mga programa ni Gov. Peter “Sr. Pedro” Unabia. Ang pamahayag ni Acain iyang giluwatan sa gipahigayong PAGLAUM Women’s congress didto sa iyang lungsod.
Matud ni Mayor Acain nga ang maong selebrasyon naghatag bili sa kagahom sa tanang babayen-an. Gidugang ni Acain nga ang hiyas nga pagka-mapinanggaon ug pagka-amumahon nagsilbing giya aron magkahiusa ang kababayen-an.
Ang unang hugna sa womens congress sa Initao gilangkuban kini sa mga women’s association gikan sa Lugait, Manticao, Naawan, Libertad ug Gitagum.
Nakalatid kini sa PAGLAUM development agenda sa gobernador ubos sa letrang U kon unified efforts for health and social services delivery.
By: Rejiann Ammor R. Maygay/PIO
Hulagway kuha ni: Reshel Cadavero/PIO
