KAPIN 801.2-MILYONES PESOS SA PROYEKTONG PANG-IMPRASTRAKTURA
SUKAD sa pagsugod sa administrasyon ni Governor Peter “Sr. Pedro” Unabia, moabot na sa 801.2-Milyones ka pesos ang kantidad nga natagana alang sa proyektong pang-imprastraktura sa lalawigan.
Kini gilangkoban sa 78 ka mga nakompletong proyekto, 75 ka mga ongoing projects ug 30 ka projects procured for implementation. Kini nga mga proyekto gilangkoban sa 2.6 kilometros nga dalan sa Sitio Baliguihan sa Barangay Eureka, Gingoog City, pag-construct sa 20 ka mga Child Development Centers nga mikantidad sa 63.9-Milyones ka pesos ug 17 ka mga proyekto alang sa pagpalambo sa mga provincial hospitals ug uban pang healthcare facilities nga mokantidad sa 78.9-Milyones.
Aron mapalambo ang sektor sa turismo, migahin sab ang gobernador og 26.8-Milyones ka pesos aron pag-improve sa Airport Kiosks sa Laguindingan ug Agutayan Island sa Jasaan.
Samtang alang sa waterworks projects, moabot sa kapin 16.4-Milyones ang gigahin nga langkoban sa 13 ka mga proyekto. Moabot sab sa 171-Milyones ang gi-alokar alang sa 24 ka mga road and drainage projects.
Dugang niini, moabot na sa 48 kilometros ang kinatibuk-ang gilay-on alang sa road rehabilitation ug maintenance activities. Gawas niini, aduna sab gialokar nga 71-Milyones ka pesos alang sa 38 ka mga multi-purpose building projects.
Subay kini nga mga proyekto sa PAGLAUM Strategic Direction ni Governor Unabia sa letrang “M” kon Mobilization of Resources through Equitable Sharing.
By: Jane Salimbao/PIO
