KALAMPUSAN SA SEKTOR SA EDUKASYON, GITUTOKAN NI GOV. UNABIA
UBAY-UBAY ang nahimong proyekto ug programa ang natunol ni Gov. Peter ‘Sr. Pedro’ Unabia ngadto sa mga nagkadaiyang mga katawhan sulod sa kapin kinyentos ka mga adlaw niyang pagdumala sa lalawigan. Isa ang aspeto sa Edukasyon ang unang gitutokan sa gobernador uban ang Provincial Youth Development Office, Provincial Early Childhood Care Development, Iskolar Ko Ng Bayan , Provincial Library ug Provincial Population Office. Mukabat baynte (20) ka mga Child Development Centers ug syete (7) ka mga school buildings, facilities ug covered courts ang napatukod sa nagkalain-laing lugar sa probinsya. Kapin usa ka gatos (140) ka mga Out-Of-School Youth ang swerteng nakadawat sa libreng pagbansay nga gipangunahan sa Department of Information and Communication Technology.
Samtang mitunol usab ang gobernador sa mga honorarium sa mga 736 ka mga Child Development Workers.
Kapin singko mil (5,499) ka IKNB Scholars ang natunolan sa scholarship nga adunay kinatubuk-ang kantindad nga sais milyones (Php 6,000,000.00) pesos. Gilauman usab nga doblehon ngadto sa dyes mil (10,000) ka mga IKNB Scholars sulod sa tuig 2024. Migahin usab ug 70 milyones (Php 70,000,000.00) pesos nga pondo sa tuig 2024 para sa mga scholars sa kursong: Law, Medicine, Nursing, RadTech, ug Social Work. Mukabat kapin baynte uno milyones (Php 21,000,000.00) pesos usab ka mga Reading Kits ang gitunol ngadto sa mga Grade School Pupils sa tibouk probinsya. Nahimong prayoridad usab ang supporta nga singko milyones (Php 5,000,000.00) pesos sa Regional, National, Intertional Athletic Meet. Kapin sais milyones (Php 6,100,000.00)pesos nga mga sports equipment, electronics ang natunol ngadto sa Sangguniang Kabataan Council.
Subay kini sa PAGLAUM Stategic Direction ni Gov. Unabia sa mga letrang ‘A’ ug ‘M’ kon Aggressive Programs for Youth Welfare and Development ug Mobilization of Resources Thru Equitable Sharing.
By: Asthea Torrecampo/PIO
Hulagway kuha ni: Marvin Gilig/PIO
