SUPORTA PARA SA KABATAN-ONAN ANG GILAUMAN GIKAN KAY GOV. UNABIA
DAKONG inspirasyon ni Claveria SK Federation President Ms. Unah Ysabelle Valdon ang State of the Province Address ni Gov. Peter ‘Sr. Pedro’ M. Unabia. Matod ni Ms. Valdon, dako iyang kalipay nga nahisgutan sa gobernador ang paghatag pagtagad sa mga kabatan-onan sa probinsya. Mapa-proyekto, programa ug mga polisiya nga para sa kaayohan sa kabatan-onan gitutokan kini sa gobernador, giklaro ni Ms. Valdon nga kanunay siyang musupporta sa mga plano.
Giisip niyang hagit para sa mga SK Federation President ang mensahe sa gobernador nga maghatag serbisyo nga adunay dakong tabang diha sa development ug empowerment sa mga kabatan-onan. Kahinomduman sa SOPA gibutyag ni Unabia ang usbaw sa pundo sa Iskolar Ko ng Bayan (IKNB) sa trenta (30) milyones pesos ug gidaghanon sa mga benepisyaryo ngdto sa diyes mil ka escolar.
Kini nakalatid sa PAGLAUM Development Agenda sa letrang ‘A’ kon Aggressive Programs for Youth Welfare and Development.
By: Asthea Torrecampo/PIO
Hulagway kuha ni: Marvin Gilig/PIO
