ROAD OPENING SA BARANGAY EUREKA, GINGOOG CITY MALAMPUSONG GITUNOL
PERSONAL nga gitambongan ni Governor Peter “Sr. Pedro Unabia ang turn-over ceremony sa road opening sa Sitio Kulipapa, Barangay Eureka, Gingoog City. Kini dunay gitas-on nga 2.6 kilometros nga mag-abli og dagkong opurtunidad sa mga residente sa maong dapit. Mapasalamaton og dako ang mga mulupyo sa maong barangay sa pagpaayo sa ilang dalan nga ilang gipangandoy sa 23 ka katuigan. Atol sa kalihokan, gipermahan sab ang pagdeklarar sa mga terrorist groups CPP-NPA-NDF isip persona non-grata nga nagpasabot nga dili welcome ang walhong grupo sa maong lugar.
Nahimong posible ang proyekto pinaagi sa Philippine Army sa 52nd Engineering Brigade nga natapos sulod sa 52 ka mga adlaw. Kini kabahin sa NTF-ELCAC nga gisuportahan sa Panggamhanang Probinsyal ug LGU-Gingoog City.
Gilauman usab ang laing road opening project sa Membakiki, Sitio Sangalan, Gingoog city. Kini nga 8.1 kilometer project ubos gihapon sa pakigtambayayong sa lokal nga kagamhanan sa probinsiya, Gingoog city ug Philippine Army.
Lakip misaksi sa seremonya sila Gingoog City Mayor Erick Cañosa, 58th IB Commanding Officer LTC Christian Uy, 52nd Engineer Brigade BGEN Francis Marlon Wong, mga opisyales sa Barangay Eureka ug uban pa.
Subay kini nga kalihokan sa PAGLAUM Development Agenda sa gobernador sa letrang “M” kon Mobilization of resources thru equitable sharing.
By: Jane Salimbao/PIO
Photo Courtesy to: Peter “Sr. Pedro” Unabia Facebook Page
