MIS OR, TOP 19 MOST IMPROVED PROVINCE
USA ka dakong kalamposan ang pagkasulod sa Misamis Oriental sa Top 19 Most Improved Province. Kini giluwatan ni 1st District Representative Christian Unabia atubangan sa mga kawani sa kapitolyo probinsiyal. Matud ni Unabia ang maong nakabase sa economic dynamism, government efficiency, imprastraktura, risiliency ug innovation kalabot na sa mga gipatumang programa ubos sa PAGLAUM development agenda. Hinungdan nga misaludo kini sa liderato ni Gov. Peter “Sr. Pedro” Unabia human makab-ot ang maong kalamposan.
Samtang gikabutyag ni Cong. Unabia ang hugot niyang suporta nga makab-ot ang Single Digit Poverty Incidence (SDPI) sa lalawigan. Gidugang niya nga dakog tabang ang nasugdang HEAL program kon Health & social services, Education & youth development, Agriculture & infrastructure ug Livelihood & employment. Gisaad sa Kongresista nga padayunon ang pagtimbayayong uban ang kagamhanang probinsyal ngadto sa malungtarong kalamboan sa katawhan.
Kini nakalatid sa PAGLAUM development agenda ni Gov. Unabia ubos sa letrang P kon participatory governance.
By: Rejiann Ammor R. Maygay/PIO
Hulagway kuha ni: Andy Pacamalan/PIO
