DEPED MISOR PADAYONG GIMONITOR ANG KAINIT SA PANAHON
GIBUTYAG sa Department of Education (DepEd) Misamis Oriental nga padayon pa ang klase sa mga skwelahan ning lalawigan taliwala sa kainit sa panahon. Matod ni DepEd Assistant Schools Division Superintendent Mary Ann M. Allera, “40 degree Celsius or more” nga heat index ang basehan sa ilang buhatan nga mag suspende sa mga klase.
Gidugang ni Allera, kinahanglan usab ang abiso sa mga local chief executive aron masuspende ang klase sa ilang mga skwelahan. Gidugang usab niya nga naka andam ang mga medical personnel sa DepEd pag siguro sa kahimtang sa panglawas sa mga kabataan.
Samtang giawhag ni Allera pagtabang sa mga estudyante nga maminosan ang epekto sa kainit ning panahona. Lakip sa gisugyot niini ang kanunay nga pagkaligo, pagsuot sa kalo o pagdala sa payong ug pagsuot sa face mask. Padayon usab ang monitoring sa Disaster Risk Reduction Management Coordinator (DRRMC) ug ubang personahe sa DepEd MisOr sa heat index aron daling ma-anunsyo ang pag suspende sa mga klase.
Subay kini sa PAGLAUM strategic direction ni Governor Peter “Sr. Pedro” Unabia ubos sa letrang U kon Unified Efforts for Health and Social Services Delivery.
By: Nefilim Diaz/PIO
Hulagway kuha ni: Charm Andy Pacamalan/PIO
