PADAYON ang pagpalig-on sa Provincial Health Office ang pagbaton sa maayong panlawas sa tanang empleyado sa Kagamahanang Probinsyal. Kini human mipahigayon sa Health Promotion and Surveillance Activity sa matag opisina ang PHO sa kapitolyo probinsiyal. Ang mga medical services gilangkuban Blood Pressure Monitoring, Hemoglucotest, Body Mass Index Measurement, Desirable Body Weight Assessment ug Health Promotion Lecture.
Ang maong kalihokan subay kini sa Lifestyle Related Diseases Prevention and Control Program nga nag-indorso sa kahimsog ug pagdasig sa katawhan pagbaton ug positibong pamatasan sa pag-amping sa panlawas. Mubisita ang PHO matag Myerkules ug Bernes, alas nwube hantud alas dose sa hapon, sa mga nagkadaiyang opisina sa Kapitolyo Pronbinsyal. Gipangulohan ang maong kalihokan sa Provincial Health Office – Technical Division sa pagpangulo ni Lifestyle Related Disease Program Coordinator Mr. Mark Julius P. Pelias RND. Kahibaloan nga kini subay sa Memorandum Order PMU No. 2775 – 2023 nga gisugdan usab niadtong bulan sa Oktobre tuig 2023.
Alayon kini sa PAGLAUM Development Agenda sa gobernador sa letrang ‘U’ kon Unified Efforts for Health and Social Services Delivery.
By: Asthea Torrecampo/PIO
PHO DRRM-H Nurse Mr. Eusan John Nambatac sa pagkuha og Blood Pressure sa PGO Employees.
PGO Employees sa pagsalmot sa Health Promotion and Surveillance Activity.
Hemoglocutest para sa mga kawani sa Kapitolyo Probinsyal.
Provincial Planning and Development Office sa Health Promotion and Surveillance Activity.
Photo courtesy: Provincial Health Office of Misamis Oriental / FB Page
