loader image

MGA KALAMPUSAN SA PROVINCIAL ENGINEERING OFFICE GITANYAG

ONSE ka mga proyekto ang natibawas sa unang kwarter ning tuiga sa pagdumala sa Provincial Engineering Office ning lalawigan. Kini gitaho sa PEO atol sa pagpakayab sa nasudnong bandila sa kapitolyo probinsiyal. Ang nahisgutang mga proyekto gilangkuban sa child development center, classrooms ug capitol buildings and improvements. Kini nga proyekto dunay kantidad nga dul-an saysenta milyones pesos.
Samtang gikan sa miaging bulan sa Marso, dunay siento kwarentay dos (142) ka ongoing projects balor sobra nuwebe sientos (909,834.437.01) pesos ang gitutokan sa PEO. Sa laing bahin, mikabat siento nobentay siete (197) ang natibawas nga mga proyektong imprastraktura sa miaging tuig nga mobalor sobra dos bilyones (2,194,528, 537.31) pesos total contract amount. Milangkob kini sa classrooms, road concreting, capitol, hospital & multipurpose buildings ug improvements ug covered courts.
Nakalatid kini sa PAGLAUM development agenda Gov. Peter Unabia ubos sa letrang M kon mobilization of resources through equitable sharing.
By: Rejiann Ammor R. Maygay/PIO
Photo courtesy: PEO – Mis Or