loader image

ENTREPRENEURSHIP SEMINAR SA MGA KABATAN-ONAN GI-IMPLEMENTA SA MISOR

GISUGDAN na ang 4-day Youth Entrepreneurship Program (YEP), You Can Be Your Own Boss Training alang sa mga kabatan-onan sa probinsya lakip na sa Cagayan de Oro City. Kini gitambongan sa 25 ka mga partisipanteng batan-on nga mga aspiring entrepreneurs ug existing small business owners. Ang Youth Entrepreneurship Program o YEP usa ka programa sa mga kabatan-onan nga nagtinguhang mag negosyo. Kini subay usab sa Republic Act No. 10679 o Youth Entrepreneurship Act.
Gipangunahan kini nga programa sa Department of Trad e and Industry (DTI) sa pakigtimbayayong sa Provincial Youth Development Office (PYDO) ug United States Agency for International Development (USAID). Mitambong sa kalihokan sila Governor Peter β€œSr. Pedro” Unabia, DTI-10 Assistant Regional Director Almer Masillones, DTI-Misamis Oriental Provincial Director Jesusa Abear, USAID Private Sector Officer Tarhata Yassin ug uban pang mga dinapit nga bisita. Mulungtad ang kalihokan sulod sa upat ka adlaw diin matapos sa Mayo 31 ning tuiga.
Nakalatid kini nga programa sa PAGLAUM Development Agenda ni Governor Peter β€œSr. Pedro” Unabia sa letrang β€œA” kon Aggressive Programs for Youth Welfare and Development.
By: Jane Salimbao/PIO
Hulagway kuha ni: Jezreel Ecuacion/PIO