loader image

DICT USEC GIPASALIG ANG DIGITALIZATION SA MISOR

GIPASALIG sa Department of Information and Communications Technology (DICT) – ICT Industry Development Undersecretary ang iyang paghatag suporta sa digitalization sa Misamis Oriental. Matod ni DICT – USEC Atty. Jocelle E. Batapa-Sigue, sigurohon nila nga matugbangan ang pagtunol ni Governor Peter “Sr. Pedro” Unabia sa siyete milyones kinyentos mil pesos (7,500,000) sa DICT MisOr. Kahinumdomang gitunol sa gobernador ang maong kantidad sa DICT MisOr aron mapalambo sa digital transformation sector sa lalawigan. Gidugang ni USEC Batapa-Sigue nga pina-agi usab sa Regional ICT Summit and Exhibitions (RISE) sa lalawigan, nakahatag na kinig dugang oportunidad sa pagpanarbaho sa katawhan. Ang DICT – RISE usa ka panagtigom sa mga kadagkuan sa DICT, ICT councils, ug private stakeholders aron mapalambo ang digitalization sa rehiyon hilabi na sa mga kabukirang dapit.
Kabahin kini sa PAGLAUM development agenda sa gobernador nga nakalatid sa letrang L kon Livelihood and Employment Thru Industry Development ug M kon Mobilization of Resources Thru Equitable Sharing.
By: Nefilim Diaz/PIO
Hulagway kuha ni: Charm Andy Pacamalan/PIO