loader image

FINANCIAL LITERACY SEMINAR SA CAPITOL EMPLOYEES

GIPAUBOS sa Financial Literancy, Management ug Investment Seminar ang 31 ka mga empleyado gikan sa Kapitolyo Probinsyal ug Misamis Oriental Provincial Hospital (MOPH). Kini gipasiugdahan sa Human Resource Management Office (HRMO) sa pakigtimbayayong sa Department of Trade and Industry-Misamis Oriental (DTI-MISOR) ug Government Service Insurance System (GSIS). Nahimong resource speaker si DTI-MisOr Trade and Industry Development Specialist Mr. Ronald Legaspi nga naghisgot kalabot sa Fundamentals of Investment.
Samtang si GSIS Cagayan de Oro City Branch Manager Erwin Casicas naghisgot kalabot sa insaktong pagdumala sa mga panalapi o finances, tips alang sa pagtipig sa salapi ug saktong pagdumala sa utang o loans. Mapasalamaton og dako si Ms. Charlote M. Sanga, usa ka empleyado gikan sa Provincial Band sa pagbansay tungod kay nalamdagan siya mahitungod insaktong pag-invest nga magamit niya aron muuswag ang iyang kinabuhi. Suportado ni Governor Peter “Sr. Pedro” Unabia ang maong training alang sa mga empleyado tungod kay tinguha niini nga mapalambo ang ilang kahibalo sa pinansyal nga bahin.
Subay kini nga kalihokan sa PAGLAUM Development Agenda ni Governor Unabia sa letrang “P” kon Participatory Governance.
By: Jane Salimbao/PIO
Hulagway kuha ni: Mark Anthony Pareja/PIO