GIPADAYAG ni Governor Peter “Sr. Pedro” Unabia ang iyang dakong tinguha nga mapalambo ang tourism industry sa probinsya. Kini gibutyag niini ang mga proyekto sa lalawigan sama sa Talisayan Zipline Project, Alibuag Cold Spring sa Medina, Lasang Secret Adventure Park sa Initao ug uban pa. Gipahibalo sab sa gobernador atol sa Flag Raising Ceremony nga aprobado na ang Provincial Tourism Development Plan ug gipasalamatan ang Sangguniang Panlalawigan sa pagsuporta niini. Gihagit karon sa gobernador ang Department of Tourism-Region 10 nga maghimo usab og Regional Tourism Development Plan aron mabuhatan og direksyon ang pagpalambo sa turismo sulod sa rehiyon.