loader image

10,040,000 PESOS AYUDA GIAPOD-APOD SA GOBERNADOR SA MGA MAG-UUMA

KAPIN diyes milyones pesos (10,040,000) nga cash assistance ang gitunol sa Panggamhanang Probinsyal sa mga mag uuma ug mangingisda sa unang distrito sa Misamis Oriental. Mokabat sa kapin kinyentos dise nuebe (519) ka mga mag-uuma ug mananagat gikan sa Balingasag, Lagonglong, Salay, Sugbongcogon, Kinoguitan, Binuangan ang nakadawat sa tig diyes mil pesos (10,000) nga ayuda. Nakadawat usab sa maong ayuda ang kwartro sientos-otsentay sinko (485) ka mga mag-uuma ug mangingisda gikan sa Balingoan, Talisayan, Medina, Magsaysay ug dakbayan sa Gingoog.
Matod ni Governor Peter “Sr Pedro” M. Unabia nga kinahanglang gamiton sa mga mag-uuma ug mangingisda ang maong kantidad sa pagpalambo sa ilang umahan. Gidugang usab sa gobernador nga gikinahanglang usbon sa mga mag-uuma ang ilang kani-iya sa pagpalit sa mga butang nga dili importante hilabi na sa pag uma. Kahinumdomang mitunol si President Ferdinand Marcos Jr. sa gobernador og pondo isip hinabang sa mga mag-uuma ug mangingisda nga apektado sa hulaw sa Misamis Oriental.
Gipangunahan sa Provincial Agriculture Office (PAGRO) ang pagtunol sa ayuda nga gipahigayon sa Lagonglong ug dakbayan sa Gingoog.
Kabahin kini sa PAGLAUM development agenda sa gobernador ubos sa letrang A kon Agriculture Development for Poverty Eradication.
By: Nefilim Diaz/PIO
Hulagway kuha ni: Charm Andy Pacamalan/PIO