MALAMPUSONG natigayon ang unang provincial congress atol sa adlawng natawhan ni Gov. Peter “Sr. Pedro” Unabia sa kapitolyo. GiLangkoban kini sa tanang city/municipal ug barangay organizing coordinators. Gikabutyag nga paagi kini aron mapahugtan ang kolaborasyon sa tanang naglambigit nga mga opisyal sa probinsya ilabi na sa pagkunhod sa kapobrehon. Tema sa maong tigom – “Unong-Timbayayong sa Paglaum, Pukanon ang Kapobrehon”. Sa laing bahin, nagpaabot sa ilang mensahe ang mga nasudnong opisyal sa adlawng natawhan ni Gov. Unabia. Kini gilangkuban nila ni Sen. Bong Go, Sen. Mark Villar, Sen. Ronald Dela Rosa, Sen. Lito Lapid ug Sen. Jinggoy Estrada pinaagi sa AVP.