MGA MAGTUTUDLO SA LAGUINDINGAN MAPASALAMATON KANG GOBERNADOR UNABIA

GIKALIPAY sa mga magtutudlo ang personal nga pagbisita ni Governor Peter Unabia sa consultative meeting ngadto sa Laguindingan ning lalawigan.
Gibutyag ni Moog Elementary School In-Charge Jiovanni Aba, nga dakog tabang ang personal nga pakighinabi ni Unabia sa mga magtutudlo aron masuta ang ilang mga kakulangon.
Nagpasalamat usab si Aba sa alokasyon nga gihatag sa gobernador para sa reading teachers.
Ang lalawigan dunay ubos nga porsiento sa kabataan nga makabasa hinongdan nga dako kinig tabang. Subay niini gipasalig ni Gov. Unabia nga matubag ang panginahanglanon sa edukasyon sa lalawigan.

By: Jane Salimbao/PIO

Hulagway kuha ni: Marvin Gilig/PIO