GOVERNOR UNABIA MAGMUGNA OG INSPECTION COMMITTEE ALANG SA POULTRY FARMS
SUGDAN sa ikaduhang semana sa sunod bulan ang pag-monitor sa mga poultry sa lungsod sa Alubijid ug Libertad ning lalawigan.
Kini nauyonan human sa gipahigayon nga cosultative meeting didto sa Alubijid aron hisgutan ang suliran sa langaw nga nakaapekto sa duha ka lungsod. Ang technical working group langkuban sa DENR, Provincial Veterinary, Municipal Agriculturist, Municipal ug Barangay environment officers.
Una nang mibahad si Governor Peter “Sr Pedro” Unabia sa mga poultry operators nga iyang ipasirado ang nahisgutang patigayon kon dili motuman sa rekomendasyon pagsumpo sa pagdagsang sa langaw sa mga barangay.
Ang consultative meeting gitambongan usab sa kadagkuan sa duha ka lungsod, poultry operators ug PAGRO office.
By: Rejiann Ammor R. Maygay/PIO
Governor Peter “Sr. Pedro” Unabia nagmando agi’g suhestyon sa pagmugna og grupo alang sa pagsuta sa mga poultry farms.
Si Francisco Lao nga usa ka poultry owner gikan sa Brgy. Sampatulog, Alubijid nakiglamano ni Governor Peter “Sr. Pedro” Unabia.
Si Mike Capinpuyan nga usa ka poultry owner gikan sa Brgy. Lourdes, Alubijid nakighinabi ni Governor Peter “Sr. Pedro” Unabia.
Mga kadagkoan sa DENR-10 pinangulohan ni OIC Chief sa Water & Air Quality Engr. Dahn F Suan nga lakip mitambong sa consultative meeting.
Brgy. Kapitan sa Brgy. Taparak, Alubijid nga si Hon. Arnold Palasan mihangyo sa kagamhanang probinsya sa pagtabang kanila nga masolusyonan ang problema sa langaw.
Brgy. Kapitan sa Brgy. Patag, Manticao nga si Hon. Anna Marie T. Bongay mihatag testimonya sa ilang gihimong aksyon aron masulbad ang problema sa langaw sa ilang lugar.
Aubijid Mayor Hon. Emmanuel L. Jamis mihatag mensahe atol sa gipahigayong Consultative Meeting uban si Governor Peter “Sr. Pedro” Unabia.
