PADAYON ang Provincial Health Office-Nutrition Division alang sa indigay sa 2024 Garden of Go, Grow and Glow (G4) Search for Outstanding G4 Barangay and Household. gibisita sa PHO ang Brgy. Valdeconcha ug Brgy. Mabini sa Binuangan. Ang G4 Household Entry sa Brgy. Valdeconcha mao ang backyard garden ni kanhi kapitan Danilo S. Cainoy. Samtang ang G4 Barangay Entry sa Brgy. Mabini ang ilang communal garden nga dunay nagkalain-laing lagotmon akip na ang gamayng fish pond.
Tumong niini nga programa nga makubsan ang ihap sa kaso sa malnutrisyon sa matag pamilya sa lalawigan ug maangkon ang food security sa probinsya. Kini kabahin usab aron maangkon ang Single Digit Poverty Incidence (SDPI). Magpadayun ang pagbisita sa buhatan sa ubang mga dapit sa probinsya ug laumang masayran ang mananaog isip provincial winner karong Disyembre.
Kabahin kini sa tinguhang makubsan ang kalisod sa lalawigan subay sa SDPI Program ug sa PAGLAUM Development Agenda ni Governor Unabia sa letrang “A” kon Agriculture Development for Poverty Eradication ug letrang “U” kon Unified efforts for Health and Social Services Delivery.
By: Jane Salimbao/PIO
Hulagway kuha ni: Marvin Gilig/PIO