KAPIN dosyentos mil pesos (227,500) ang gitunol sa Provincial Agriculture Office (PAGRO) sa mga mag-uuma sa tabako sa lalawigan. Saisentay sinko (65) ka mga mag-uuma ang nakadawat sa tig tres mil kinyentos pesos (3,500) nga financial assistance. Matod ni Provincial Agriculture Assistant Rose Susan Laquibla, tumong niini nga mahatagag hinabang ang mga mag-uuma sama sa pagpalit ug mga farm inputs. Kahinumdumang gitigom ni Governor Peter “Sr. Pedro” Unabia ang tobacco farmers aron madungog ang ilang mga yango-ngo bahin sa ilang pag uma.
Kabahin kini sa tinguhang makubsan ang kalisod sa lalawigan subay sa single-digit poverty incidence (SDPI) ug PAGLAUM agenda sa letrang A – Agriculture Development for Poverty Eradication.
By: Nefilim Diaz/PIO
Photos Courtesy of Provincial Agriculture Office