PAG-REKOGNISA sa kahago ug dedikasyon sa trabaho sa mga kawani sa kapitolyo probinsyal ang sentro sa mensahe ni Provincial Administrator John Venice Ladaga isip representante ni Gov. Peter ‘Sr. Pedro’ M. Unabia atol sa senimanang pagpakayab sa nasudnong bandila. Gipaabot ni Ladaga ang pasalamat sa gobernador ngadto sa mga empleyado nga mi-suporta sa tanang gipatumang programa labina sa pagpatunhay sa Single Digit Poverty Incidence (SDPI). “Padayon sa pag-serbisyo nga matinud-anon”, mao kini ang tipik sa mensahe ni Ladaga.

Samtang giawhag niya ang mga empleyado nga magpabiling sinsero sa pag-alagad ug pagpakabana sa tanang katawhan. Anaa misaksi si Gov. Unabia uban sila si SP Board Members Dexter Yasay, Panky Acain, Gerardo Sabal III, Atty. Michele Anayron, ug Department of Labor and Employment Mis Or Provincial Director Errol Natividad.

Subay kini sa planong makubsan ang kalisod sa lalawigan kon SDPI program ug kinatibuk-ang PAGLAUM Development Agenda ni Gov. Peter ‘Sr. Pedro’ M. Unabia.

By: Asthea Torrecampo/PIO

Hulagway kuha ni: Charm Andy Pacamalan/PIO