GILAUMANG dako’g tabang ang idulot sa probinsiya sa Public-Private Partnership concession agreement sa Laguindingan airport. Kini human pormal nga gipirmahan sa Aboitiz InfraCapital ug Department of Transportation ang kasabutan didto sa malakanyang. Una nang gibutyag ni Governor Peter “Sr Pedro” Unabia nga gipangandaman ang paglambo sa probinsiya pinaagi sa pagbaton ug direktang international flight sa maong tugpahanan. Gidugang usab niini ang pagpalambo pa sa Mindanao International Container Port Terminal sa Tagoloan.

Kahinomduman nga ang paglambo sa Laguindingan airport gipanghingusgan usab ni 2nd District Representative Bambi Emano didto sa kongreso. Misaksi usab sa signing ceremony sila si 1st District Representative Christian Unabia ug CDO 1st District Representative Lordan Suan.

Kabahin kini sa tinguhang makubsan ang kalisod sa lalawigan subay sa SDPI Program ug sa PAGLAUM Development Agenda ni Governor Peter “Sr. Pedro” Unabia sa letrang “G” kon Goal-oriented Tourism Development.

By: Jane Salimbao/PIO

Photo courtesy: Bong Bong Marcos & Congressman Bambi Emano FB Pages