GIPASIDUNGGAN ang mga empleyado sa kapitolyo probinsyal human mipasar sa nagkadaiyang National Licensure Examinations. Kini atol sa sinemanang pagpakayab sa nasudnong bandila. Gihatagan sa Certificates of Recognition sila si Vanessa May C. Fuentes, Angelie D. Tumanda, Marie Joy T. Ordeniza, Maria Mercedes E. Ubaub ug Hipolito V. Borbon, Jr. alang sa Master Plumber Licensure Examination; Everlyn M. Acera sa Real Estate Appraiser Licensure Examination; ug Xena Jean Y. Sildo sa Board Licensure Examination for Psychometrician and Psychologists. Kini subay sa Personnel Development & Academic Excellence award nga programa sa Human Resource Management Office (HRMO). Anaa sa kalihukan uban ni Provincial Administrator John Venice Ladaga ang mga Provincial Board Members.
Kabahin kini sa tinguhang makubsan ang kalisod sa lalawigan subay sa SDPI Program ug PAGLAUM development agenda ni Gov. Peter Unabia ubos sa letrang P kon participatory governance.
By: Rejiann Ammor R. Maygay/PIO
Hulagway kuha ni: Jezreel Ecuacion/PIO