PADAYONG gipalig-on sa Provincial Cooperative Office ang mga kooperatiba sa lalawigan ning tuiga. Kini pinaagi sa paghimo’g koneksyon sa cooperative office ngadto sa ubang ahensya sa gobyerno ug non-government organization (NGO) aron matabangan ang tanang kooperatiba sa ilang tagsa ka panginabuhian. Gahatag usab og mga training ug seminar ang cooperative office sa mga cooperative development officers ug cooperative members. Kini gilangkuban sa Drafting of the Policy Guidelines of Provincial Cooperative Development Council, Workshop on the Evaluation and Shortlisting Proposed Beneficiaries under the Marlin SC 2.2 Aquaculture and Fisheries
Development, Collaborative Forum Towards a Sustainable Development Movement, Mandatory Training for Micro and Small Cooperatives, ug CDA Information Caravan Compliance Drive. Kahinumdomang tinguha ni Governor Peter “Sr. Pedro” Unabia nga mahataga’g oportunidad ang katawhan alang sa igong kinitaan. Hugot usab ang suportang gihatag sa gobernador niini aron makab-ot ang tinguhang single digit poverty incidence rate sa Misamis Oriental.
Kabahin kini sa tinguhang makubsan ang kalisod sa lalawigan subay sa SDPI program ug PAGLAUM development agenda sa letrang P – Participatory Governance ug L – Livelihood and Employment Thru Industry Development.
By: Nefilim Diaz/PIO
Photos courtesy of Provincial Information Office