TALISAYAN MOPH 50TH FOUNDING ANNIVERSARY NAGMALAMPUSON

Nagmalampuson ang pag-selebrar sa 50th Founding Anniversary sa Misamis Oriental Provincial Hospital (MOPH) Talisayan bag-ohay pa lamang.
Gipangunahan ni Governor Peter “Sr. Pedro” M. Unabia inubanan ni Sangguniang Panlalawigan Board Member Rey Buhisan ang maong selebrasyon.
Sa maong okasyon mihatag ang MOPH sa libreng serbisyo sama sa E-konsulta Enrollment, libreng blood pressure taking, random blood sugar testing, blood typing ug feeding ngadto sa mga pasyente.
Kahibaloan nga ang MOPH Talisayan natukod niadtong 1973 alang sa mga nanginahanglang katawhan mahitungod sa panglawas.
Giawhag sa Gobernador ang mga empleyado nga batasanon ang pagka maluluy-on hilabi na ang commitment alang sa tinuoray nga pagpanerbisyo ngadto sa mga kabus ug nanginahanglan sa tabang.
Kalabot kini sa Paglaum Development Agenda sa Gobernador sa letrang A kun aggressive programs for health and social services delivery.

By: Angela Duat/PIO

Hulagway kuha ni: Marvin Gilig/PIO