ISYU SA MENTAL HEALTH UG TEENAGE PREGNANCY PAGATUTOKAN SA KAGAMHANANG PROBINSYAL

USA sa prayoridad ni Governor Peter “Sr. Pedro” Unabia ang pagsulbad sa problema sa mental health ug teenage pregnancy sa lalawigan.
Subay niini nagtigum ang Provincial Health Office, Early Childhood Care and Development, Social Welfare and Development, Population, Information Office, Youth and Development, Disaster Risk and Reduction Management, MisOr CareS ug Cooperative Office.
Sentro sa maong tigum ang presentasyon ni PHO- Technical Division Head Dr. Ted Yu Jr. Kini gilangkoban sa pagbansay sa tanang health service providers ug stakeholders, pagpakaylap sa mga impormasyon pinaagi sa social media ug radio program, pag-awhag sa mga youth leaders nga mangulo sa pagpahigayon og youth activities ug uban pa.
Anaa sa nasangpit nga tigom sila Provincial Board Member Chairman of Committee on Health Rey Buhisan, Provincial Health Consultant Talisayan Vice Mayor Rommel Maslog ug mga naglambigit nga department heads.

By: Rejiann Ammor R. Maygay/PIO

Hulagway kuha ni: Arnie Saniel/PIO