KAPIN NUWEBE MILYONES PESOS NGA QUARRY COLLECTION GIDAYEG NI GOVERNOR UNABIA!

GIDAYEG ni Governor Peter “Sr. Pedro” Unabia ang taas nga koleksyon sa buhis sa quarry operation sa unang duha ka bulan ning tuiga ning lalawigan.
Sukad tuig 2021 ug 2022 wala nipatong sa minilyong koleksyon ang buhis gikan sa kalihukan sa Quarry apan ning tuiga doble ang pagsaka sa kita niini.
Makita ang dakong deperensya sa kita sa koleksyon sulod sa tulo ka tuig gikan Enero 2021 nakakolekta ang lalawigan sa P775, 341.00, Pebrero 2021 P942,417.50, Enero 2022 P514,550.77, Pebrero 2022 P650,266.00 ningsutoy ang kita sugod Enero 2023 nga mikabat sa P4,377,610.00 ug padayong misaka sa Pebrero 2023 ngadto sa P4,667,370.00 nga kita.
Mahinumduman usab nga giaprobahan sa Sangguniang Panlalawigan ang pagsaka sa pipila ka bayranan sa quarrying base sa Ordinansa 1571-2022.
Ang nahisgutang ordinansa nga gipangamahan ni Board Member Dexter Yasay, nagtumong sa “pag-regulate sa pagkuha, disposisyon, paggamit ug pagproseso sa quarry ug ubang mineral resources sulod sa territorial jurisdiction sa probinsiya.
Gipasalamatan ni Gov. Unabia si ENRO Head Engr. Guinging gumikan sa nahisgutang kalamposan.
Kini kabahin na usab sa letrang L sa PAGLAUM agenda nga Livelihood and employment through industry development.

By: Iran Mercado/PIO