LGU INITAO ANDAM PALUYOHAN ANG ADMINISTRASYONG UNABIA

DAKO ang pagsalig sa lokal nga kagamhanan sa lungsod sa Initao ngadto sa liderato ni Gobernador Peter “Sr. Pedro” Unabia. Kini ang unod sa mensahe ni Initao Mayor Mercy Grace “Gagay” Acain atol sa pagduyog sa amahan sa lalawigan sa flag raising ceremony.
Samtang gidasig sa gobernador ang tanang lideres sa pag-serbisyo nga unahon ang katawhan ug dili ang personal nga interes.
Nakighiusa ang dise sais ka barangay sa Serbisyong PAGLAUM nga gitanyag sa kapitolyo probinsyal sa nasangpit nga lungsod. Lakip sa serbisyo nga napahimuslan sa katawhan sa Initao ang libreng health ug legal consultations, libreng tambal ug eyeglasses, CoVid-19 vaccination, food packs, educational assistance, progestin subdermal implant, ug uban pa.
Gawas sa mga capitol department heads, miyembro sa Sangguniang Panlalawigan ug LGU officials anaa si kanhi Board Member Nancy Madjos nga nag- representa ni 2nd District Congressman Bambi Emano sa maong kalihukan.

By: Rejiann Ammor R. Maygay/PIO

Hulagway kuha ni: Marvin Gilig/PIO