CDO MAYOR “KLAREX” UY NAGPASALAMAT KANG GOV. UNABIA SA 1ST PAGLAUM MIS. OR RISE CDO CUP 2023

NAGPASALAMAT kang Governor Peter “Sr. Pedro” Unabia si Cagayan de Oro City Mayor Rolando “klarex” Uy tungod sa pagtugot nga makapartesipar ang dakbayan sa Cagayan de Oro sa selebrasyon sa kasumaran sa Misamis Oriental.
Atol sa Awarding night sa 1st PAGLAUM Mis. Or RISE CDO Cup 2023, gipasabot ni Cagayan de Oro City Administrator Roy Raagas nga kini ang unang higayon sulod sa 93 ka tuig nga ang syudad nisalmot sa selebrasyon isip Capital City sa Misamis Oriental nga karon Independent Highly Urbanized City.
Gidugang ni Raagas, dili lamang sa Physical Health tungod sa kompetisyon sa Sports ug panaghigalaay ang namugna, napalambo pa ang kooperasyon ug maayong panag-uban ni Mayor “Klarex” Uy ug Governor ”Sr. Pedro” Unabia ilabe na nga ang dakbayan kabahin ug parsela sa Misamis Oriental.
Gani sa Joint Meetings uban ni Acting City Tourism Officer Rico libre ilang himoon ang pormal nga imbitasyon sa lalawigan aron makapartesipar sa Charter Day sa umaabot Hunyo 8 ngadto sa a kinse ug sa kapistahan sa Agusto 28 ning tuiga.

By: Iran Mercado/PIO

Hulagway kuha ni: Marvin Gilig/PIO