KAPIN 50M PESOS NGA KANTIDAD SA PROYEKTO

MOKABAT sa kapin 50M pesos (52,411,911.96) nga kantidad sa proyekto ang gi-inaugurahan karong semana.
Kini nga mga proyekto gilangkoban sa foot bridge, classroom buildings, covered court ug perimeter fence. Kini nga mga proyekto atua nahimutang sa Brgy. Poblacion 1, Villanueva, Brgy. Silad ug Brgy. Alicomohan, Sugbongcogon, Brgy. Natubo, Jasaan, Brgy. Rosario ug Brgy. Natumolan, Tagoloan.
Hilabihan ang pasalamat sa mga lumulupyo sa nasangpit nga mga lungsod tungod kay mahatagan na og katumanan ang dugay nang gihandum nga proyekto sa ilang kabaranggayan.
Nakalatid kini nga mga lakang ubos sa PAGLAUM Development Agenda sa gobernador sa letrang “M”, ang Mobilization of Resources through Equitable Sharing.
Pipila lamang kini sa mga proyekto nga plano matibawas ubos sa administrasyon ni Governor Unabia aron mahatagan sa hamugaway ug maayong pagpuyo ang matag pamilyang Misamison.

By: Jane Salimbao/PIO