MOPH CHIEF OF HOSPITALS GIKALIPAY ANG PROGRAMA NI GPMU
GIKALIPAY sa mga Chief of Hospitals ang mga gilatag nga programa ug mga kalampusan ni Governor Peter “Sr. Pedro” Unabia alang sa sektor sa panglawas atol sa iyang State of the Province Address (SOPA). Matud ni MOPH-OWWA Alubijid Chief of Hospital Dr. Aristotle Betita nga mapasalamaton siya tungod sa paghatag pagtagad sa mga balay-tambalanan sa probinsya.
Usa sa gipasalamatan niini ang mas dali nga access sa libreng operasyon sa MOPH-Gingoog City. Gipasalamatan sab niini ang pagpahimo nga level 2 sa MOPH-Manticao ug MOPH-Talisayan nga nagpasabot nga aduna na kini Intensive Care Unit nga pasilidad. Kahinumduman, moabot sa 130-Milyones pesos ang gitagana ni Gov. Unabia alang sa pag-improve ug pag-rehabilitate sa walo ka mga provincial hospitals sa lalawigan.
Nahisubay kini nga programa sa PAGLAUM Development Agenda ni Governor Peter Unabia sa letrang “U” kon Unified efforts for Health and Social Services Delivery.
By: Jane Salimbao/PIO
Hulagway kuha ni: Marvin Gilig/PIO
