MGA MOTORSIKLO, GITUNOL SA MGA AGRITECH

PORMAL nga gitunol ni Governor Peter Unabia ang dise siete (17) ka motorsiklo para sa mga agricultural technician sa lalawigan.
Gibutyag ni Agriculture Office head Dr. Benjamin Resma nga kini kabahin sa kinatibuk-ang biente tres (23) ka mga motorsiklo para sa Agriculture office.
Matud ni Provincial Supervising Agriculturist Rose Susan G. Laquibla nga dakog tabang ang mga motorsiklo aron ma-serbisyohan ang mga mag-uuma sa lagyong lugar sa lalawigan. Samtang gibutyag usab ni Benjamin C. Boston Jr., Agri-tech ug focal person sa Oolong tea special program nga dako og epekto sa pagpalambo sa agrikultura sa lalawigan ang mga motorsiklo aron nga matagaan og insaktong training ug seminar ang mga mag-uuma.
Gisiguro usab sa mga agri-tech nga magamit diretso ang mga motorsiklo sa paghatag serbisyo sa mga mag-uuma nga maoy prayoridad sa gobernador sa lalawigan ubos sa PAGLAUM strategic direction.

By: Nefilim Diaz

Hulagway kuha ni: Marvin Gilig/PIO